SAMSUNG បាត់​ឈ្មោះ​ពី​កំពូល​ស្មាតហ្វូន​ទាំង ៥ ក្នុង​ប្រទេស​ចិន

ផ្អែក​តាម​របាយការណ៍​ចុង​ក្រោយ​ពី​ក្រុម​ការងារ​ Kantar Worldpanel បាន​បង្ហាញ​ពី​លំដាប់​ស្លាក​យីហោ​ស្មាតហ្វូន​កំពូល​ទាំង ៥ ក្នុង​ទីផ្សារ​ប្រទេស​ចិន។​ គិត​បញ្ចប់​ត្រឹម​ខែ​តុលា រួម​មាន​ក្រុមហ៊ុន Huawei, Xiaomi, Apple, Vivo និង Oppo ក្ដោបក្ដាប់​ទីផ្សារ​រួម ៩១ ភាគរយ កើន​ឡើង​ខ្ពស់​ធៀប​នឹង​កន្លង​ទៅ​មាន​ត្រឹម ៧៩ ភាគរយ​ប៉ុណ្ណោះ។

ខណៈ SAMSUNG ធ្លាក់​កូដ​ខ្លាំង​បាន​ត្រឹម ២.២ ភាគរយ មិន​ខុស​ពី​ក្រុមហ៊ុន ZTE, Meizu និង Lenovo ជា​ម្ចាស់​ផ្ទះ ក៏​ចុះ​អន់ថយ​ខ្លាំង​ដូច​គ្នា​ក្នុង​ឆ្នាំ ២០១៧។ នេះ​បង្ហាញ​យ៉ាង​ច្បាស់ VIVO និង OPPO ស្ថិត​ក្រោម​ដំបូល​តែ​មួយ បំបែក​នូវ​យុទ្ធសាស្ត្រ​ទីផ្សារ​ថ្មី ផ្សព្វផ្សាយ​ពេញ​ប្រទេស​ចិន ខណៈ Xiaomi ផ្ដោត​ខ្លាំង​លើ​ការ​លក់ Online ហើយ Apple រង្គោះរង្គើ​ជាមួយ iPhone X ស្រប​ពេល Huawei រក្សា​យុទ្ធសាស្ត្រ​ចាស់ មិន​ងាយ​ធ្លាក់​កូដ​ដូច​ក្រុមហ៊ុន​ដទៃ។